bo dawood: suliman511@yahoo.com Male,45,,مقيم, في, الكويت طبع عند البشر تبجي من الأحزان
بس آني الحزن يبجي على حالي
واذا دمع البشر يهمل عالخدود
انه بخد الدمع صار انهمالي
شبعان الكلب من القهر والضيم
عاش بامتحان وحبك دروسه
وأبد لا ما أظن راح الكلب يرتاح
كلي شلون يقره ومطفي فانوسه
ويايه الحياة شبيهه .. مو مليت
عدله وياهم او ويايه معكوسه
ما يوم بحياتي ارتحت من الآه
ولا ضلت بعيني دموع محبوسه
صح مرات اضحك .. بس جذب والله
حلم عندي السعد .. وافراحي مكنوسه
صفيت ابجي بدموع تغرك الحيتان
طفل بالعيد ضاع .. وضاعن فلوسه
ولا مره العمر كال اني زين اليوم
كضاهه مدافر وأزهاره مديوسه
اجيوب العمر ما بيهه أي أفراح
بس جيوب غيره جيوب متروسه
دورولي على فرحه .. حتى اذا بالات
مو ثوب الحزن يجرح جرح موسه
اقبل والله .. حت لا بنطروني كصير
ومعقج قميصي وردنه معلوسه
,مقيم, في, الكويت